“Усе мы родам з дзяцінства”. Пад такой назвай напярэдадні
Дня настаўніка пачала працаваць выстава ў сярэдняй школе №3. Асаблівасць гэтай
выставы заключаецца ў тым, што на ёй размешчаны дзіцячыя фотаздымкі настаўнікаў
школы.
Ствараючы выставу, мы спадзяваліся на тое, што яна
дапаможа вучням глыбей пазнаць сваіх настаўнікаў. Педагогі, у сваю чаргу,
успомняць дзяцінства і, магчыма, з большым паразуменнем будуць адносіцца да
сваіх выхаванцаў.
На нашу думку, выстава – гэта крок насустрач да
ўзаемапавагі і творчасці, плённай працы.
Размешчаныя фотаздымкі не падпісаны, і кожны мае свой нумар. Задача вучняў
- адгадаць, каму ён належыць. Той, хто жадае, можа прыняць удзел у своеасаблівым
конкурсе “Пазнай свайго настаўніка”. Для гэтага неабходна апусціць картку з падпісаным
прозвішчам і імем педагога пад тым ці іншым нумарам. А таксама пакінуць свой
каментар на сайце музея.
Выстава дзейнічае да 6 кастрычніка.Вынікі конкурсу будуць падведзены саветам музея.
Комментариев нет:
Отправить комментарий
Оставьте свой комментарий